Kandidati për të marrë kreun e Partisë Demokratike, Ibsen Elezi i kërkon Rithemelimit të përjashtojë dy anëtarët e Komisionit Elektoral, Albana Vokshi dhe Enno Bozdo, si persona që manipulojnë votat, duke paraqitur edhe një dokument nga zgjedhjet e 13 qershorit.
Elezi kërkon edhe shtyrjen me 14 ditë të datës së zgjedhjeve për kreun e PD.
“I drejtohem Komisionit të Rithemelimit dhe kandidatit rival për dakordësinë me këto kërkesa. 1 Largimin nga komisioni të kryetares Albana Vokshi dhe anëtarit Enno Bozdo si persona të implikuar në manipulimin e votave në procesin e 13 qershorit dhe 17 korrikut 2021. Shtyrjen e afatit të zgjedhjeve për 14 ditë për shkak të pamjaftueshmërisë kohore prej 10 ditësh”, tha mes të tjerash Elezi.
