Albiona Ajeti është 22 vjeçarja shqiptare që jeton në Kanada, e cila para disa viteve ka nisur të zhvillojë lojëra për dyqanin e aplikacioneve të Apple. Para një viti gazeta lokale kanadeze “The Guardian” i kushtoi një shkrim Ajetit, rreth lojërave të saj te celularit, sidomos “Crazy Tire”.
Është rritur në qytetin e Ferizajt në Kosovë, ndërsa më 2012 së bashku me familjen ka emigruar në provincën më të pabanuar me shqiptarë Prince Edward Island (PEI), e cila gjwndet në lindje të Kanadasë. Ka rreth dy vite vite që u shpërngul në Waterloo, Ontario. Aty tashmë është studente e vitit të dytë në drejtimin e Biznesit Global dhe Artit Digjital në Univeristy of Waterloo.
Albiona e cila këto ditë gjendet në Kosovë tregon se punën kreative, mirembajtjen e aplikacionit “Crazy Tire” po e kryen nga Kosova.
“Unë gjatë qëndrimit në Kosovë mundohem që të kaloj sa më shumë kohë me familjen dhe shoqërinë që jetojnë këtu. Kosova do ta ketë gjithmonë vendin e veçantë në zemrën time, sepse kam kaluar fëmijërinë time në Ferizaj. Ferizaj ngjall shumë nostalgji dhe memorie të bukura të fëmijërisë sime. Është kënaqësi të kthehem dhe të shoh shumë ndryshime pozitive në qytetin tim. Por këto ndryshime ngjallin edhe pakëz parehati në zemrën time sepse nganjëherë me duket vetja si turist në vendin e fëmijërisë, ndjenjë që nuk më pëlqen, sepse unë dua të ndihem si ne shtëpinë time. Këtu në Ferizaj kemi shtëpinë tonë dhe kemi kënaqësinë t’i ftojmë familjarët dhe shoqërinë tonë. Ndoshta kjo dëshirë është forcuar edhe më shumë, sepse atje në Kanada kemi ndjerë mungesën e njerëzve jashtë familjes së ngushtë. Kjo pandemi, besoj, që na e beri të ditur se sa e rëndësishme është të kesh një rreth të shëndoshë dhe pozitiv në jetën tënde.
Ajeti thotë se mbi të gjitha menaxhimin e lojrave të saj mund ta bëj lehtë edhe nga Kosova. “Vetëm se duhet të jem vigjilente për 6 orët e diferencës, dhe lansimim e reklamave të bej me orarin kanadez, në mënyrë që rutina ime e punës mos të ndryshojë shumë. Unë jam shumë perfeksioniste dhe planifikuese e mirë e punëve të mia përpara kohe, dhe planprogramin e kompanive dhe organizatave që unë i udhëheq.”- thote ajo.
Ajeti gjithashtu është udhëheqëse e ekipit të UNICEF-it në Universitetin e Ëaterloo-së në Kanada, post i cili është më i vështiri të udhëhiqet nga Kosova.
“Si Presidentja e Waterloo UNICEF, unë duhet të jem gjithmonë e informuar me të gjitha eventet që jemi duke i mbajtur. I tërë ekipi më dërgon mesazhe çdo ditë, duke me informuar për ngjarjet dhe unë duhet t’u përgjigjem atyre me sugjerime. Diferenca në orë e bën këtë pozitë timen nga Kosova pak më të vështirë, sepse ndodh që gjatë orëve të vona të natës duhet të mbaj mbledhje në platformen “Zoom” (video chat), me ekipet e mija”.
Plamprogramin për punën time e kam bërë në Kanada, tash ekipi im dhe unë jemi duke e realizuar atë program, por edhe risi të tjera. Jam e lumtur që pos angazhimeve të mia, sidosmos në mirembajtjen e lojes ‘Crazy Tire” në Apple Store, gjej kohë të mjaftueshme të argëtohem dhe ta shijoj vendlindjen time të dashur. Mbase vet Kosova, po me dhuron motivim, qe t’i realizoj të gjitha obligimet e mia për punët në Kanada nga Kosova”.
