Albania
Krimi shqiptar në Britani/ Statistika
E pa mundur që të kalojë një javë pa lexuar në shtypin Britanik për shqiptarët dhe krimet e tyre në Britani…
Tashmë për një shqiptar që jeton ne Britani, kjo është bërë rutine, madje merret me sportivitet dhe në shumë raste shpërfillet.
Po a përbëjnë me të vërtet shqiptarët me krimet që kryejnë një problem kaq të madh për Britaninë?
Çdo vepër penale e vogël apo e madhe përbën krim dhe përveç se bën pjesë në statistikat kriminale, ka edhe impaktin e vet në publik. Veprat penale të kryera nga shqiptarët në Britani, nuk mund të thuhet se kanë një rol te veçantë në mbarëvajten e shoqërisë angleze ne përgjithësi. Marrja e jetës se personit kryesisht me armë te ftohte duhet pranuar qe është krimi qe zë vendin kryesor si plagë e shoqërisë angleze, po ashtu dhuna ndaj njeriut,ngacmimet seksuale, vjedhja etj.
Nëse bëhet një vëzhgim kryesisht në mediat që shkruajnë kundër shqiptarëve, rëndësia që i jepet krimeve të tilla është e papërfillshme ne krahasim me shkrimet histerike ndaj shqiptarëve.
Të dënuarit shqiptarë për vrasje janë ne numër shumë te vogël, numërohen me gishtat e dorës dhe në përgjithësi janë vepra penale të kryera nga konfliktet e mbartura nga vendi origjinës.
Të dënuarit shqiptarë për vjedhje janë 20, kundrejt 2623 te dënuar deri në Shtator 2022 në total në Britani. Kjo statistike tregon qartë se për një krim që ka një impakt trondites ne shoqeri, shqiptarët janë ne numër shumë te vogël.
Një krim tjetër që ka një impakt të madh në publik kohët e fundit ne Britani është ‘fraud’, në shqip ‘mashtrimi për përfitime financiare’ dhe në burg ndodhen vetëm 3 shqiptarë nga rreth 7200 të dënuar nga Gjykata e Kurorës.Statistikat vjetore të Mars 2021-Mars 2022 tregojnë se ka 4.5 milionë raportime në agjencitë ligjzbatuese per kete veper penale . “Froud” ka alarmuar publikun duke e etiketuar policinë si të paaftë në punën e saj për ta luftuar këtë krim dhe shqiptarët në këtë rast janë të fundit në listë.
Tabela e mëposhtme jep një tablo të krimeve të kryera nga shqiptarët në Britani si dhe numrin e të dënuarve për llojet e krimeve. Numrin më të madh e kryesojnë të dënuarit për kultivim dhe shpërndarje të lëndëve narkotike (drogë) ku përqindja më e madhe e të dënuarve janë për Klas B-Kanabis. Kjo tregon dhe rritjen e përqindjes të armëmbajtjes pa leje, armë të ftohta në shumicën e rasteve.
Të dënuar për armë mbajtje (thike) në Angli janë 5815 ku vetëm 23 janë shqiptarë.
(Kjo tabele është marrë në bazë të ligjit mbi lirinë e informimit e kërkuar nga ALB UK)
Shifrat qe mund te perbejne shqetesim per per publikun anglez mund te themi qe jane 81 shqiptaret e dënuar për dhunë ndaj personit dhe 22 per dhunës seksuale.
1025 (77% e totalit) shqiptaret e denuar per lende narkotike, per shoqerine angleze nuk do te kishin te njejtin impakt me krimet e lart permendura pasi përdorimi i drogës në Britani është një fenomen i pranuar nga shoqëria dhe nuk ka paragjykime për këtë fenomen.
Britania është një nga konsumatorët më të mëdhenj të drogave të ndryshme qe nga vite 70 dhe nuk janë shqiptarët ata që e sollën apo e kontrollojnë tregtinë e drogës në Britani. Të dënuar me burg per lende narkotike, vetëm për vitin 2020 ne Britani jane 17 mijë persona (statistikat e vitit 2021 -22 janë në përpunim për arsye të Covid). Të regjistruara nga policia janë 175 mije krime qe lidhen me lëndët narkotike ndersa 42 mije jane masat e dhëna nga Gjykata e Kurorës, qe varjojne nga burg, orë pune në komunitet, arrest në shtëpi dhe kufizime te daljes.
Merseyside ku qendra është Liverpuli ka numrin më të madh te krimeve ne Britani ku shqiptarët sipas “ekspertëve të bandave kriminale”, nuk operojnë dot. Kjo tregon qartë se dhe për krimin e drogës nuk janë shqiptarët të parët, por të gjithë nacionalitet duke filluar nga të zotët e shtëpisë.
Për veprën e ngacmimit seksual, shqiptarët numërojnë 22 persona, ku shumica janë për dhunë ndaj ish- partnereve. Numri i raportimeve totale ne institucionet Britanike per ngacmim seksual ne vitin 2020 ka qenë 773 mijë dhe të dënuar me burg janë 12,744.
Pra nga statistikat e marra për krimet me impaktin më të madh në publik shqiptarët janë të pa llogaritshëm, por sulmet e vazhdueshme nga gazetat si The Sun, Daily Mail nuk rreshtin së shkruari ku i referohen ‘ekspertëve të bandave’ që as nuk ekzistojnë.
Te pyetur nga ALBUK TV, gazetarët e The Sun u mbrojtën duke theksuar te drejtën e mosdhënies së burimit të informacionit në lidhje me shifrat, studimet dhe të dhënat e paqena.
Në fund po sjellim statistikat e krimit të vrasjes me armë zjarri dhe armë të ftohte ku vetëm në një vit janë, vetëm të vrarë me thikë, janë 285 persona (afërsisht një në ditë), krim për të cilin shqiptarët numërohen me gishtat e njerës dorës.
Vlen të theksohet që konsumi i marijuanës, është një fenomen më se i zakonshëm në shoqërinë Britanike. Përdoruesit e saj llogariten në 38.7% të të rriturve te moshave 16-59. Duke qenë se numrin më të lartë të shqiptarëve të dënuar në Britani e zë tregtimi i kësaj lëndë narkotike, vënia ne “peshoren e drejtësisë” për nga impakti në shoqëri … një rezident i Londrës jugore, rreth moshës 50 vjeçare, me origjinë nga Xhamajka, do ta quante thjeshtë “bullshit”.
Me poshtë gjeni të renditur burimet e informacionit nga janë marrë statistikat në këtë shkrim.
Tabela e marrë nga statistikat e krimeve në Britani.
Statistikat e krimeve të drogës
https://www.dsdaily.org.uk/PDF/DrugCrime2020.pdf
Statistikat e krimeve për ngacmim seksual.
Statistikat e krimeve për vjedhje dhe mashtrim
Statistikat e armëmbajtjes pa leje.
Knife and Offensive Weapon Sentencing Statistics: April to June 2022 – GOV.UK (www.gov.uk)
Albania
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
Gjykata në Mechelen të Belgjikës ka shpallur fajtor për trafik droge një shqiptar 23-vjeçar. Dy muaj më parë, pas një ndjekjeje, ai u bllokua nga policia dhe në makinën e tij u gjetën pothuajse 5 kilogramë kokainë. I riu – që sipas tij vepronte për shkak të borxheve nga lojërat e fatit – nuk i mohoi faktet. “Por ju lutem, më lini të kthehem sa më shpejt në vendin tim,” kërkoi ai gjatë seancës gjyqësore.
Policia e kishte vënë re makinën e të riut në fillim të shtatorit 2024 gjatë një kontrolli në Mechelen. Kur oficerët tentuan ta ndalonin, ai u largua me shpejtësi. Ndjekja zgjati shumë pak: disa metra më tutje, makina u bllokua.
“Kjo ndodhi sepse disa automjete kishin ndaluar në rrugë,” u tha në seancë.
Ajo që ra në sy ishte se xhami i pasmë i makinës ishte i hapur. Një qese blu, e vërejtur gjatë kontrollit, ishte zhdukur.
“Por u gjet shumë shpejt,” shpjegoi prokurori Bjorn Vervoort. “Në qesen plastike kishte pak më pak se 4.6 kilogramë kokainë.”
Vlera e drogës në tregun e rrugës ishte mbi 230 mijë euro.
“Një sasi e tillë nuk u jepet tregtarëve të zakonshëm,” theksoi prokurori, duke sugjeruar se shqiptari nuk ishte një shitës i thjeshtë, por kishte mundësisht një rol të rëndësishëm në një rrjet më të madh trafiku.
“Edhe 600 eurot cash – në prerje prej 50 eurosh – si dhe dy telefonat celularë të gjetur në makinën e tij (një makinë me qira) mund të jenë prova shtesë,” shtoi prokurori.
Ai kërkoi një dënim me 2 vite burg dhe një gjobë prej 8.000 eurosh.
“Kam ardhur në Belgjikë për të punuar në ndërtim,” tha 23-vjeçari. “Me këto para doja të shlyeja borxhet e bixhozit, rreth 30.000 euro. Por këtu nuk gjeta punë.”
I riu deklaroi se kishte hyrë rastësisht në botën e drogës.
“Gjatë një daljeje nate në Bruksel,” pranoi ai. “Papritur më folën, më dhanë para dhe gjithë atë kokainë. Në këmbim, duhej ta shisja”.
Avokati i tij, Kilian Rabau, i kërkoi gjykatës të mos japë dënim efektiv me burg, por burg me kusht.
“Le të jetë një sinjal i fortë, por lejojeni të kthehet në vendin e tij,” tha ai.
Pas shqyrtimit, gjykatësja vendosi se faktet ishin të provuara dhe e dënoi të riun me 2 vite burg me kusht dhe një gjobë prej 8.000 eurosh.
Albania
Shpërthimi në Shkodër, OSHEE përgënjeshtron Policinë: Nuk ka ndodhur për shkak të boksit të matësve në pallat
67-vjeçari, Hysni Imeri humbi jetën paraditen e sotme pas një shpërthimi në hyrjen e pallatit ku banonte.
OSHEE ka reaguar zyrtarisht për ngjarjen duke përgënjeshtruar Policinë. Sipas OSHEE shpërthimi nuk ka ndodhur për shkak të boksit të matësve në pallat.
Në vendngjarje pritet mbërritja e njësisë antiterror, ndërsa dyshimet janë për shpërthim tritoli.
“Në lidhje me ngjarjen në Shkodër, sipas informacioneve paraprake, informojmë se shpërthimi nuk ka ndodhur për shkak të boksit të matëseve në pallat.“, thotë OSHEE.
“Rreth orës 10:10, në lagjen “Manush Alimani”, në hyrjen e një pallati, dyshohet se ka shpërthyer paneli i matësave të energjisë elektrike.
Si pasojë u dëmtua një shtetas ende i paidentifikuar, rreth 55 vjeç, i cili ka humbur jetën në Spitalin Rajonal Shkodër.
Grupi hetimor nën drejtimin e Prokurorisë po punon për dokumentimin e rrethanave, identifikimin e shtetasit që ka humbur jetën dhe për përcaktimin e shkakut të shpërthimit të matësave elektrikë.“, thuhet në njoftimin e policisë.
Albania
Berisha: Nuk ka forcë në botë që e mban në pushtet Edi Ramën në qoftë se ne i pushtojmë sheshin. Kjo është rruga!
Kreu i Partisë Demokratike, Sali Berisha, deklaroi se kjo parti është “në betejën finale dhe kjo betejë finale është largimi i këtij regjimi”.
“Ne sot jemi të qartë dhe duhet të qartësojmë çdo demokrate e demokrat, të përkushtohemi në projektin e opozitës për largimin e Edi Ramës nga pushteti dhe krijimin e qeverisë teknike si kusht i të gjitha kushteve që shqiptarët të votojnë të lirë.
Nuk ka një parti me eksperiencën tonë. Ne erdhëm në vitet ’90 si i vetmi vend dhe e vetmja shoqëri me 4 kulte, kulti i Enver Hoxhës, Stalinit, Leninit, Marksit, etj. Ndërkohë vendet e tjera ish-komuniste nga viti 1956 ishin çliruar nga kultet.
Ju e keni të vështirë ta mendoni se çfarë tmerri dhe sa të tmerrshëm ishin kultet. Por ne i shembëm ato me guxim.
I shembëm pa konflikt civil. Tanket i nisën drejt nesh, ne i bllokuam ato me barrikada, por vetë nuk rrëmbyem armë, as RPG, armë antitanke. Na rrethuan tek selia, po me tanke. Ne nuk u mposhtëm, por përsëri qëndruam, u vetëpërmbajtëm.
Na vranë, u përzunë nga selia e kryeministrisë. Të gjitha këto eksperienca, pse unë po i citoj sot dhe do i citoj, i citoj dhe do i citoj sepse ne jemi ne forcë demokratike që drejtohemi vetëm nga parime demokratike. Ne nuk bëhemi parti dhune sepse ne besojmë se paqja është një forcë e jashtëzakonshme. Në besojmë se Edi Rama, ky regjim i kalbur, largohet vetëm kur opozitarët të lënë mënjanë lodhjen e tyre, të lënë mënjanë dëshpërimin e tyre, rraskapitjen e tyre dhe të dalin në shesh çdo ditë. Nuk ka forcë në botë që e mban në pushtet Edi Ramën në qoftë se ne i pushtojmë sheshin. Kjo është rruga”, tha Berisha.
“Këtë nuk e kemi bërë ndonjëherë. Kjo na ka munguar. E kemi bërë, por me qëllime jo kaq sa këto. Se ne kemi bërë edhe në vitin 1998, me radhë. Por sot jemi para këtij momenti. Ne, në kushte kur ky regjim, Edi Rama, pasi është dokumentuar jo tashmë vetëm nga opozita, por edhe nga hetimi i prokurorisë se kanë abuzuar miliona dhe miliarda para të taksapaguesve dhe jka hequr çdo maskë në mbrojtje të flaktë në mbrojtje të abuzimeve të tmerrshme me paratë e shqiptarëve sepse është vetë direkt i implikuar”, shtoi kreu i PD-së.
Peskov: Rusia pajtohet me vlerësimin e Trump, bisedimet në fazën përfundimtare
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
Shpërthimi në Shkodër, OSHEE përgënjeshtron Policinë: Nuk ka ndodhur për shkak të boksit të matësve në pallat
Berisha: Nuk ka forcë në botë që e mban në pushtet Edi Ramën në qoftë se ne i pushtojmë sheshin. Kjo është rruga!
“Kurti fitues pas muajsh bllokade politike”, BBC: Normalizimi i marrëdhënieve me Brukselin dhe Uashingtonin në axhendën e qeverisë së re
Kush është “zbatuesi hije” i Shtëpisë së Bardhë me ndikim të jashtëzakonshëm te Trump
Përfundon numërimi i votave për subjektet politike, nis numërimi për kandidatët në 38 Qendra Komunale
Vlora 4 ditë pa ujë/ “O vllai do më dëgjosh”, kreu i AKUK shkon te protestuesit: Do ta zgjidhim, sot në mesnatë nis furnizimi
Hetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
Presidenti i Federatës Argjentinase të Futbollit, Tapia, rrezikon burgun
Veshjet sintetike mund të ndikojnë në shëndetin riprodhues të grave dhe burrave
Nga frika e deportimit, hondurasit në SHBA dërgojnë më shumë para në shtëpi se kurrë më parë
Shqetësime për ‘superioritetin’ mbi vizitën e jahtit mbretëror në Irlandë në vitin 1996
Spitalet paralajmëruan se kriza e kujdesit në fund të jetës kërcënon trajtimin
Brigitte Bardot: Bjondia seksi që revolucionarizoi kinemanë franceze
Shqiptari në Britani shpëton nga deportimi pasi “partnerja nuk i flet shqip”
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
Rrëzohet aeroplani në Britani, alarm në aeroportin Southend në Londër
Anomalia e buxhetit, 2 miliardë euro shpenzime në dhjetor
“Katolikët monitoroheshin, myslimanët përgatitnin ushqimet për ta” – si festoheshin Krishtlindjet në komunizëm në Shqipëri
Princi William dhe Kate Middleton vendosën vijë sigurie 9.6km rreth rezidencës së tyre të re, reagojnë banorët e zonës: Masa të tepruara dhe pa konsultim
Dalin Exit Poll-et e para, Vetëvendosja rikonfirmohet forcë e parë, Hamza 23.9 përqind, Abdixhiku 16.1 përqind
Presidenti i Ukrainës, Zelensky mbërrin në Mar-a-Lago, takohet me presidentin Trump
Përplasjet kufitare Taxhikistan-Taleban: Çfarë fshihet pas tyre, pse ndikojnë në Kinë?
Disidenti egjiptian kërkon falje për tweets, ndërsa konservatorët kërkojnë dëbim nga Mbretëria e Bashkuar
Numërohen 81% e kutive të votimit në Kosovë: Albin Kurti drejt mandatit të tretë si kryeministër
Amnisti penale nga qeveria! Lamallari: 380 të burgosur lirohen, 900 të tjerë përfitojnë ulje dënimi (video)
Spitalet paralajmëruan se kriza e kujdesit në fund të jetës kërcënon trajtimin
Elozhi i kujtesës
Zjarr në një azil pleqsh në Indonezi, humbin jetën 16 të moshuar
-
Albania2 days ago
Shqiptari në Britani shpëton nga deportimi pasi “partnerja nuk i flet shqip”
-
Albania16 hours ago
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
-
UK2 days ago
Rrëzohet aeroplani në Britani, alarm në aeroportin Southend në Londër
-
Albania16 hours ago
Anomalia e buxhetit, 2 miliardë euro shpenzime në dhjetor
-
Albania17 hours ago
“Katolikët monitoroheshin, myslimanët përgatitnin ushqimet për ta” – si festoheshin Krishtlindjet në komunizëm në Shqipëri
-
UK15 hours agoPrinci William dhe Kate Middleton vendosën vijë sigurie 9.6km rreth rezidencës së tyre të re, reagojnë banorët e zonës: Masa të tepruara dhe pa konsultim
-
Kosova17 hours ago
Dalin Exit Poll-et e para, Vetëvendosja rikonfirmohet forcë e parë, Hamza 23.9 përqind, Abdixhiku 16.1 përqind
-
Bota16 hours ago
Presidenti i Ukrainës, Zelensky mbërrin në Mar-a-Lago, takohet me presidentin Trump