Anglia fitoi në transfertën me Skocinë, me rezultatin 3-1. Goli i vetëm për skocezët në miqësore u shënua nga mbrojtësi i “tre luanëve”, Herri Meguajër.
Ai u aktivizua në minutën e 46′ teksa në të 67′ shënoi autugolin. Kaq ka mjaftuar që tifozët e Skocisë të tallen me të. Por trajneri Garet Sauthgejt i ka dalë në mbrojtje Meguajërit në konferencën për shtyp pas ndeshjes.
“Ai ishte i jashtëzakonshëm për ne në fundjavë në barazimin 1-1 me Ukrainën, ndërsa përsa i përket autogolit vetëm tifozët idiotë reagojnë. Ne po krijojmë një problem për lojtarin tonë. Disa nga artikujt që u shkruan, disa nga komentet që u bënë, ishin një shaka absolute. Ai ka qenë një kullë force për ne gjatë një prej periudhave më të suksesshme të futbollit anglez”, deklaroi tekniku i Kombëtares angleze.
