Një gjykatë ruse ka refuzuar apelin e kritikut të Kremlinit, kryeopozitarit Alexei Navalny, kundër dënimit të tij me 19 vjet burg.
Sipas mediave të huaja, apeli i tij u refuzua nga një gjykatës i Moskës pas një seance në të cilën Navalny mori pjesë me lidhje video.
Procedurat u mbyllën për mediat, pavarësisht protestave të Navalny dhe avokatëve të tij.
Muajin e kaluar, lideri i opozitës ruse i burgosur u dënua me 19 vjet burg pasi u shpall fajtor për akuzat për ekstremizëm në lidhje me aktivitetet e Fondacionit të tij Kundër Korrupsionit (FBK).
Ai po vuante më herët një dënim nëntë vjeçar për një numër akuzash që ai pretendon se janë të motivuara politikisht.
Kujtojmë se Navalny ka qenë opozitari kryesor i pushtetit të presidentit të Rusisë, Volodymyr Putin, i cili organizonte protesta dhe dilte hapur përballë padrejtësive dhe diktaturës në Moskë.
