Kryetari i Partisë Demokratike Lulzim Basha ditën e sotme ka mbledhur grupin parlamentar.
Mësohet se në mbledhje u diskutua për paralajmërimin për rritjen e çmimit te energjisë dhe krizës energjitike të paralajmëruar nga kryeministri Edi Rama.
Ndërkohë burime nga selia blu bëjnë me dije se Basha u tha deputete se “e rëndësishme është kontakti direkt me qytetarët për të nxitur,inkurajuar, organizuar të gjitha format e rezistencës ndaj skemave të Edi Ramës për boshatisjen e xhepave të qytetarëve”.
Kreu i qeverisë Rama ditën e djeshme paralajmëroi në një konferencë të jashtëzakonshme se një krizë energjetike po i afrohet Shqipërisë, pas rritjes së çmimit të karburantit.
