Sekretarja e Jashtme e Mbretërisë së Bashkuar Liz Truss ka dhënë një intervistë për ‘BBC Breakfast’ mëngjesin e sotëm.
Truss është shprehur se ajo ‘shumë e shqetësuar për një pushtim të afërt të Ukrainës”.
Ajo shprehet gjithashtu se një sulm kryeqytetin e Ukrainës , Kiev është një ‘mundësi reale’.
“Rusia ka rrethuar Ukrianën, kështu që ne mund të shohim një sulm nga drejtime të ndryshme’ është shprehur Truss.
Nëse ka një pushtim, ajo thotë se Mbretëria e Bashkuar do të përshkallëzojë sanksionet e saj ndaj Moskës.
“Asgjë nuk do të ishte jashtë tryezës në rast të një pushtimi të plotë,” thotë ajo.
Truss i përgjigjet kritikave për sanksionet që Britania e Madhe i vendosi Rusisë
Kritikët, duke përfshirë disa deputetë të shquar nga Partia e saj Konservatore, kanë thënë se një sërë sanksionesh ndaj Rusisë të shpallura dje nga Britania e Madhe nuk shkojnë aq larg sa duhet.
Por Truss i tha BBC Breakfast se sanksionet janë “më të ashprat që kemi vendosur ndonjëherë ndaj Rusisë”.
Masat përfshijnë sanksione ndaj disa individëve dhe bankave, së bashku me sanksione ndaj parlamentarëve rusë – që do të kërkonin legjislacion të ri – dhe parandalimin e firmave britanike që të bëjnë biznes në dy zonat e kontrolluara nga rebelët në Donetsk dhe Luhansk, të njohura nga Rusia si të pavarura.
Mbretëria e Bashkuar do të kufizojë shtetin rus dhe kompanitë kryesore nga mbledhja e fondeve në tregjet financiare të Mbretërisë së Bashkuar, si dhe do të ndalojë një sërë eksportesh të teknologjisë së lartë në Rusi.
Truss tha gjithashtu se Mbretëria e Bashkuar duhej të “mbante disa sanksione në dollap” për t’i përdorur nëse Rusia përshkallëzon përdorimin e saj të forcës kundër Ukrainës.
“Do të ketë më shumë veprime në tregjet financiare, do të ketë më shumë veprime ndaj individëve – ne kemi një listë të individëve të gatshëm ” thotë ajo.
“Vladimir Putin dhe miqtë e tij do të kenë frikë se do të goditen më pas,” shton ajo.
Truss tha gjithashtu se rreth 2 milion paund donacione për partinë e saj Konservatore nga individë të lidhur me Rusinë ishin “deklaruar plotësisht”.
Shën Petersburgu nuk duhet të presë finalen e Champions League
Liz Truss gjithashtu është shprehur për BBC Breakfast se finalja e Ligës së Kampionëve nuk duhet të zhvillohet në Shën Petersburg.
Finalja e turneut më të madh evropian të futbollit për klube do të luhet në Gazprom Arena të qytetit rus më 28 maj, por organizatorët UEFA po mendojnë ta zhvendosin ndeshjen diku tjetër.
Por Sekretarja e Jashtme britanike shprehet: “Unë mendoj se është e gabuar në këtë fazë me atë që Rusia po bën ndërkombëtarisht që të ketë finalen atje.”
E pyetur nëse klubet angleze duhet ta bojkotojnë atë, nëse do të arrijnë në finale, ajo thotë:
“Kjo është një çështje e skuadrës, por nëse do të isha një lojtar, që është një mundësi shumë e pamundur, sigurisht që nuk do të doja të isha pjesë e kësaj. ”
