Autoritetet kroate kanë bllokuar këtë të mërkurë një sasi prej 8 mijë kilogramësh speca djegës të ardhura nga Divjaka.
Kontrolli i kryer në kufi ka zbuluar se specat përmbanin tre preparate bujqësore të ndaluara, duke bërë që i gjithë ngarkimi të ndalohet.
Burime bëjnë me dije se sasia e sekuestruar pritet të asgjësohet në Kroaci, pa mundësi rikthimi.
Ky nuk është rasti i parë kur produktet bujqësore shqiptare ndalohen në tregjet e rajonit. Vetëm një muaj më parë, autoritetet në Kroaci dhe Slloveni bllokuan sërish perime nga Shqipëria për shkak të përmbajtjes së lartë të pesticideve.
Ngjarja ka rindezur edhe një herë shqetësimet mbi kontrollin e dobët të produkteve bujqësore shqiptare që eksportohen jashtë vendit.
