Toni Kroos ka bërë të ditur se dëshiron ta përfundojë karrierën te Real Madridi. Mesfushori gjerman shpreson që shumë shpejt të nisë bisedimet për vazhdimin e kontratës.
“E bëra të qartë se këtu, te Real Madridi, dua ta mbyll karrierën time. Nuk e di sigurt se në cilin vit do të ndodhë, por do të jem këtu në Madrid”, deklaroi Kroos.
32-vjeçari ka kontratë me Real Madridin deri në vitin 2023. Ai është pjesë e klubit spanjoll që nga viti 2014, kur u transferua nga Bayern Munichu. Prej atëherë vlerësohet shumë lart te madrilenët.
