Sekretari i Përgjithshëm i PD-së, Gazment Bardhi duket se e ka thelluar përçarjen me aleatin e saj LSI.
I pyetur për arsyen e konfliktit me LSI bardhi është përgjigjur se PD i ofroi 15 mandate të sigurta LSI-së, por kjo e fundit tha se 34 i siguronin të vetëm.
Sipas Bardhit, LSI donte të garonte në zgjedhjet e 25 prillit në listë të vetme.
Madje ai shkoi edhe më tej kur tha se gjatë fushatës ka kuptuar se LSI në Elbasan nuk merrte asnjë mandat.
Por i menjëhershëm ishte reagimi i kryetares së LSI Monika Kryemadhi e cila në një postim në Facebook e quan deklaratën e Bardhit si një mashtrim pervers që kalon çdo limit njerëzor dhe që i shërben kryeministrit Edi Rama.
Kryetarja e LSI e nis reagimin e saj me pyetjen se kur është mbledhur kryesia e PD për t’i propozuar LSI listën e përbashkët?
Sipas Kryemadhit listës së mashtrimit, që për djegien e mandateve do t’i dilte në krah kancelarja Merkel dhe PPE, iu shtua tashmë publikisht edhe kjo e 15 mandateve të ofruara.
