Kryetarja e Lëvizjes Socialiste Integrim, Monika Kryemadhi, thotë se arrestimi i Saimir Tahirit është një çështje e orkestruar nga Kryeministri Edi Rama, për të tërhequr vëmendjen nga afera e inceneratorëve. Në një intervistë, Kryemadhi tha se ka fakte që implikojnë Kryeministrin Rama dhe zinxhirin e tij se janë të përfshirë në aferën e incineratorëve.
“Vazhdojë të kem fakte të tjera që çdo ditë e më shumë që ne shikojmë ka argumentime që implikojnë Kryeministrin drejtpërdrejt dhe gjithë zinxhirin drejtues të tij.”
Pas hekurave thotë kryemadhi, duhet të shkoje edhe Kryetari i Bashkisë së Tiranës Erion Veliaj, deputeti Alqi Bllako apo dhe Kryebashkiaku i Fierit.
“Ok, zoti Tahiri kishte disa telefonata që e implikonin me Habilajt. Po zoti Erion Veliaj i cili ka firmë në shkresë për incineratorin e Tiranës. Zoti Alqi Bllako i cili ka firmë në shkresë për incineratorin e Fierit, Tiranës dhe Elbasanit. Zoti Armando Subashi i cili ka shkresë, ka letër, ka vendime, ka fakte të kryera me firmën dhe vulën e tyre për incineratorin e Fierit.“
Monika kryemadhi zbardhi marrveshjen e LSI-së me Sali Berishën, ndërsa tha se forca që ajo drejton do të ketë vetëm rol teknik duke i ofruar komsioner, ndërsa përgjegjesinë politike e ka Komisioni i Rithemelimit.
“Ke dy detaje që politikisht mban përgjegjësinë grupin i Rethemelimit dhe teknikisht ne do japim komisionerët që të shikosh votat, sepse Lulzim Basha kur s’bën primare në partinë e vet do llogarisë votat e të tjerëve. Unë jap komisionerët.”
Por të bashkëpunosh me një politikan “Non Grata” është kjo ngarkesë për LSI-në, dhe a i trembet familja meta, një non grate të mundhsme, Kryemadhi dha këtë përgjigje.
“Ça pastaj. Ça do me thënë Non Grata. Unë nuk jam shtetase amerikane. Ju mendoni se të qenurit “Non Grata” në Amerikë të bëjnë të mirë me njerëzit me të cilët jeton. Ti jeton me njerëzit e tu këtu.”
Kryemadhi flet per nje konflijkt te brendshëm brenda PS-së dhe një lobim të Erion Veliajt për ti marr pushtetin Edi Ramës.
“Lobimi i fuqishëm i Erion Veliaj për të thënë se ai është e ardhmja e PS është i jashtëzakonshëm sepse Veliaj po fokusohet fortë të spostoj Ramën nga selia e PS dhe të marrë ai PS.”
Kryetarja e LSI-së Monika Kryemadhi është shprehur se ajo dhe Ilir Meta janë të vetmit politikanë që u hetohet pasuria çdo vit.
Ajo tha se pasuria e Bashës nuk hetohet asnjëherë, ndërsa shtoi se gruaja e Kryedemokratit duhet të marrë pasaportën shqiptare në mënyrë që Basha t’i nënshtrohet vettingut.
Sipas saj, nuk dihet se me çfarë lekësh janë blerë pronat jashtë shtetit të politikanëve që nuk hetohen.
