Pasditen e sotme, drejtori i ri për Evropën Qendrore e Jugore në Departamentin Amerikan të Shtetit, David Kostelancik takoi kryetaren e LSI-së, Monika Kryemadhin.
Gjatë bisedës, Kryemadhi u shpreh se Shqipëria ka nevojë kritike për hapjen e negociatave në tetor.
“Hapja e negociatave është e kushtëzuar vetëm me zgjedhje të lira e të ndershme. Për këtë arsye, zgjedhjet duhet të zhvillohen sa më parë dhe me standarte, pasi kjo është e vetmja rrugë për integrimin europian të Shqipërisë”, u shpreh kryetarja e LSI Monika Kryemadhi në lidhje me krizën aktuale politike e institucionale që ka përfshirë vendin.
