Kryeministri i Polonisë, Mateusz Morawiecki, e cilësoi presidentin e Rusisë, Vladimir Putin, si “më të rrezikshëm se Adolf Hitler dhe Joseph Stalin”.
Në një intervistë për gazetën Daily Telegraph, Morawiecki i bëri thirrje komunitetit ndërkombëtar rreth “ideologjisë monstruoze” të liderit rus.
“Putin nuk është as Hitleri as Stalini. Fatkeqësisht ai është më i rrezikshëm. Putin jo vetëm që disponon armë vdekjeprurëse nën urdhrin e tij, por ai përdor edhe mediat për të përhapur propagandën e tij” deklaroi Morawiecki.
Ideologjia e Putinit “Russkiy Mir” (Paqja Ruse) përbën një kërcënim vdekjeprurës për të gjithë Evropën theksoi Morawiecki, duke i bërë thirrje komunitetit ndërkombëtar që të fokusohet menjëherë në shpëtimin e Ukrainës nga ndikimi i Putinit.
Krahas kësaj Morawiecki ftoi aleatët e Ukrainës që të bëjnë më shumë se sa sigurimi i mbështetjes ushtarake.
