Zhvillimet dramatike në Izrael, me qindra civil izraelit të vrarë, ka qenë të dielën në mbrëmje edhe në vëndje të kryeministrit, Edi Rama, i cili ka ndarë edhe një foto me flamurin hebre në fasadën e godinës së Universitetit të Politeknikut në Tiranë.
Kryeministri Rama, nëpërmjet këtij postimi në rrjetet sociale, shpreh solidarizimin me popullin izraelit në këto momente shumë të vështira.
‘Shqipëria qëndron me IZRAELIN. Mendimet dhe lutjet tona janë me familjet e viktimave të sulmit mizor terrorist dhe të njerëzve të pafajshëm të marrë peng nga terroristët.’, shkruan Rama.
Edhe kryetari i Bashkisë së Tiranës, Erion Veliaj, nëpërmjet një postimi në rrjetin social X, shprehu mbështetje për Izraelin, duke marrë shkas nga një foto me flamurin izraelit në fasadën e godinës së Universitetit të Politeknikut në Tiranë.
“Tirana është e veshur me flamurin dhe bashkohet me botën e qytetëruar në solidaritet me familjet e vuajtura dhe popullin izraelit. Shqiptarët e të gjitha feve i shpëtuan hebrenjtë nga barbarizmi nazist. Mos bëni gabim! Sot nuk është ndryshe – barbaria nuk ka të bëjë fare me fenë!”– shkruajti Veliaj.
Sulmi i Hamasit, deri tani ka shkaktuar 700 izraelitë të vrarë, mijëra të plagosur dhe qindra të marrë peng. Viktimat e këtij konflikti kanë kapur shifrat 1000 nga të dyja palët.
