Kryeministri çek Andrej Babis është bërë objekt i një sulmi me vezë gjatë paraqitjes së tij publike si pjesë e fushatës zgjedhore.
Incidenti ndodhi të shtunën (7 gusht) në qytetin e tij të lindjes Prouhonise, jo shumë larg Pragës, njofton agjencia publike e lajmeve çeke KTK.
Siç shihet dhe në video truprojat e kreut të qeverisë pas incidentit e çuan në një kafene që ndodhej aty pranë.
Babis i tha rrjetit çek CNN se ata që e sulmuan ishin kundër masave të qeverisë për të frenuar pandeminë e koronavirusit të ri.
“Unë u godita në kokë , ndërsa një grua e re u godit nga një gotë birrë.”. u shpreh Babis.
Para se të shfaqej kryeministri çek, kritikët e tij kishin pikturuar qindra kryqe të bardhë në rrugë për të përkujtuar 30,300 viktimat e pandemisë së koronavirusit në Republikën Çeke.
Sidoqoftë, një sondazh tregon se partia ANO e Babis është para me 26%, krahasuar me 21.5% të aleancës liberale-konservatore SPOLU.
Zgjedhjet në Republikën Çeke do të mbahen në tetor .
