Një kryevepër e Pikasos me titull “Femme à la montre” pritet të arrijë më shumë se 120 milionë dollarë kur të dalë në ankand këtë vjeshtë.
Piktura në vaj e vitit 1932 do të jetë në një ankand në “Sotheby’s” në Nju Jork në nëntor, kur koleksioni i Emily Fisher Landau do të dalë në shitje.
Vepra, e cila ka përmasa 130 x 96.5 centimetra, përshkruan të dashurën e Picasso-s dhe “muzën e artë” Marie-Thérèse Walter, e cila u shfaq në shumë nga portretet e tij.
“Femme à la Montre” e Picasso-s është një kryevepër. E pikturuar në vitin 1932 ‘annus mirabilis’ e Pikasos është pasionante, por në të njëjtën kohë konsiderohet e mrekullueshme. Ngjyrat e tij të guximshme këndojnë nga kanavacja .”, tha në një deklaratë Julian Dawes, kreu i Sotheby’s i Artit Impresionist dhe Modern.
Picasso u takua për herë të parë në Paris në 1927 kur ajo ishte 17 vjeç dhe ai ishte ende i martuar me gruan e tij të parë, Olga Khokhlova, një balerinë ruso-ukrainas. Walter do të bëhej frymëzim për disa nga kanavacat, vizatimet dhe skulpturat e tij më të kërkuara./CNN/
