Kandidati i opozitës për Bashkinë e Tiranës, Belind Këlliçi ftoi përsëri kryebashkiakun Erjon Veliajn në debat. Këlliçi madje tha se do ishte i gatshëm që të debatonte për çdo temë që do i jepet.
Në një moment duke u drejtuar nga kamera, kandidati i opozitës u shpreh: “Ku je mo, pse ke humb, hajde në debat, ku të duash, në cilën studio të duash, për çdo temë që të duash!”
Të njëjtën thirrje Këlliçi bëri edhe dje gjatë prezantimit të programit të tij elektoral përpara anëtarëve dhe simpatizantëve të Partisë Demokristiane, një ndër partitë formuese të koalicionit “Bashkë Fitojmë”.
“Dhe gjej rastin përsëri këtu nga platforma e Demokristianëve, t’i shtroj dorën për një ftesë Erion Veliajt, për të ardhur në debat publik, për të ardhur këtu me ju, për ta zgjedhur ai vendin, orën, mediat, platformën, pyetjet, çështjet për çfarë të dojë ai. Duke nisur nga edukimi ynë, për të vazhduar te problemet e Tiranës, për të folur për qytetarët”.-tha Këlliçi.
Qytetarët i ftoi të mos e shesin votën, por të ndëshkojnë në 14 Maj kryebashkiakun Veliaj, ndaj të cilit si kurseu akuzat për blerje të zgjedhjeve.
“Unë e di që Erion Veliaj po i këkron me lista me nga 10 punonjës të gjithë drejtorëve të tij në Bashkinë e Tiranës për të mbajtur vendin e punës. Mos e shisni shpirtin për 50 mijë Lekë apo për vendin e punës. Mendoni të ardhmen e këtij qyteti. i ndëshkoni me votë ata që vjedhin çdo ditë. E nëse Belindi nuk mban premtimet pas 14 Majit, ndëshkoni edhe Belind Këlliçin më vonë”.-shtoi më tej ai.
Pamfleti.com
