Kufomat e luftëtarëve ukrainas që u vranë duke mbrojtur qytetin port të Mariupolit, kanë arritur në Kiev kanë bërë të ditur familjarët e ushtarëve të vrarë.
Ata thonë se kjo ishte pjesë e shkëmbimit me rusët, që çdo ditë janë duke i pranuar nga 160 kufoma – pavarësisht se Moska refuzon të komentojë këtë çështje, transmeton Telegrafi.
Nga pala ukrainase është bërë e ditur më shumë se 50 kufoma janë dorëzuar – që kryesisht ishin ushtarë të batalionit Azov që mbrojtën deri në frymën e fundit qytetin e Mariupolit – përkatësisht në fabrikën e çelikut Azovstal.
Megjithatë, pasi ishin rrethuar në të gjitha anët nga rusët, ata ushtarët të gjallë që kishin mbetur të ngujuar brenda fabrikës, me urdhër të presidentit ukrainas Volodymyr Zelensky ishin dorëzuar.
Sipas autoriteteve ukrainase, ata janë marrë si robër lufte dhe aktualisht besohet se po mbahen në lindje të Ukrainës, territor ky që kontrollohet nga forcat ruse.
