Informacioni i minutave të fundit është se Qeveria e Maqedonisë Veriore ka vendosur që gjatë fundjavës Kumanova të vendoset në karantinë.

Nga sonte në orën 21:00 deri të hënën në 05:00 Kumanova do të jetë tërësisht e mbyllur.

Ndërsa çdo ditë tjetër nga ora 16:00 deri në 05:00 do të jetë gjithashtu e bllokuar. Praktikisht do të vlejë ora policore për këtë rajon më herët nga rajonet e tjera, raporton Alsat.

Megjithatë, pavarësisht kësaj të gjithë ata që kanë leje për të shkuar në vendet e tyre të punës do të mund të lëvizin pa ndonjë problem.

Vlejnë të njëjtat rregulla të parapara për orën policore.