Marash Kumbulla ka arritur marrëveshje personale me skuadrën e Interit.
Lajmi i orëve të mbrëmjes së të premtes është bërë i ditur nga “Sky Sport”, që thotë se tashmë ka mbetur vetëm finalizimi i kontratës.
Qendërmbrojtësi i shumëkërkuar që është pjesë e Hellas Veronës, zgjoi edhe interesimin e shumë skuadrave tjera evropiane, ndër të cilat ishin edhe Juventusi e Lazio, transmeton Sporti në KTV.
“Sky Sport” shkruan se Kumbulla 20-vjeçar, pritet ta nënshkruajë kontratën deri në vitin 2025, teksa ka mbetur vetëm çmimi të cilin Interi do t’ia paguajë Veronës.
Kumbulla shënoi 1 gol në Serie A në 26 paraqitje sa i pati në total në edicionin që e lamë pas.
