Kryeministri britanik, Boris Johnson po lufton me pretendimet se kritikët konservatorë po përballen me një “kërcënim” që mund të jetë edhe një “shantazh” si pjesë e një përpjekjeje për të parandaluar rrëzimin e tij nga detyra.
Kryeministri Johnson këmbënguli se ai nuk kishte parë “asnjë provë” për të mbështetur pretendimin e konservatorit, William Wragg mes zemërimit lidhur me akuzat se partitë kanë thyer rregullat.
Wragg tha se kishte marrë raportime për shkeljen e Kodit të sjelljes, duke përfshirë anëtarë të stafit në Downing Street 10, këshilltarë, ministra të qeverisë dhe anëtarë të tjerë që inkurajonin publikimin e historive në shtyp që synonin të vinin në siklet ata që dyshohen për mungesë të besimit ndaj kryeministrit.
“Kërcënimi i një deputeti mbetet një çështje serioze. Raportimet për të cilat jam në dijeni duket se përbëjnë një shantazh”, deklaroi sot kryetari i Komisionit i Dhomës së Përfaqësuesve dhe Çështjeve Kushtetuese në fillim të një seance dëgjimore.
“Si e tillë, do t’i këshilloja kolegët që t’i raportojnë këto çështje te kryetari i Komisionit të Dhomës së Përfaqësuesve të Policisë Metropolitane”, shtoi ai./ATSH/
