Duka dhe Dukesha e Sussex-it pritet të ‘gjejnë një arsye për të mos shkuar’ në kurorëzimin e Mbretit Charles, edhe pse ata pritet të jenë të ftuar pavarësisht nga ngjarjet e fundit që pasuan publikimin e kujtimeve të Princit Harry.
Do të ishte shumë ‘e vështirë për ta’ të merrnin pjesë, tha një burim mbretëror i afërt me familjen, pas ‘atyre që janë thënë’ raportuan mediat britanike.
Çifti nuk pritet të luajë ndonjë rol zyrtar në këtë ngjarje, e cila do ta shohë Mbretin Charles të kurorëzohet zyrtarisht pas ngjitjes së tij në fron në shtator, pas vdekjes së nënës së tij, Mbretëreshës Elizabeth II.
Pasojat nga publikimi i kujtimeve të shumëpritura të Princit Harry vazhdojnë pavarësisht se Duka i Sussex-it ka këmbëngulur se do të dëshironte një marrëdhënie me familjen e tij. Një burim nga familja mbretërore tha se Mbreti nuk pret që djali i tij të marrë pjesë në eventin e kurorëzimit më 6 maj.
Burimi shpjegoi se familja do të presë që Sussex-ët të japin me mirësjellje një arsye për të mos marrë pjesë. “Familja do të bëjë ftesën, por do të ishte shumë e vështirë për Harry-n dhe Meghan-in të ishin aty duke pasur parasysh gjithçka që është thënë në intervista dhe në libër.
