Deklaratat ruse mbi përdorimin e armëve bërthamore janë interpretuar shpesh si një mënyrë për të mbajtur në linjë tensionin e luftës e për të penguar mbështetjen ndaj presidentit të Ukrainës, Volodymyr Zelensky.
Për dy gazetarët e mirënjohur të italianes “Corriere Della Sera”, Andrea Marinelli dhe Guido Olimpio, mundësia e përdorimit të armëve bërthamore është e ulët dhe e kufizuar, por mbetet e vështirë të kuptohen lëvizjet e Putin-it.
Paralajmërimi i presidentit amerikan, Joe Biden, për Vladimir Putin, që të mos mendojë për përdorimin e armëve atomike ose kimike është pjesë e sfidës në të cilën të gjithë po mundohen të vendosin vijat e kuqe.
Moska zyrtare po kërcënon me reagime të rënda nëse Washingtoni do të furnizonte Ukrainën me municion me rreze të gjatë.
Dhe, në të kaluarën, është spekuluar se në rast disfate, Putin-i mund të përdorte armë taktike bërthamore, me përdorim të kufizuar ose një gjest demonstrues në një zonë të shkretë.
Ky skenar është bërë publik nga inteligjenca amerikane, që në prill.
Ndërkohë, SHBA-të vazhdojnë t’i ofrojnë ndihmë masive Kievit, por aktualisht po përjashtojnë dërgimin e raketave me rreze të gjatë.
Jo-ja e vazhdueshme e Shtëpisë së Bardhë përballë presionit nga Kievi dhe një pjesë e Kongresit kuptohet në media si një sinjal ndaj kundërshtarit: ne nuk kërkojmë provokim.
Kremlini ka luajtur shpesh me deklaratat, duke aluduar në një përshkallëzim në mënyrë të mjegullt, dhe më pas i ka mohuar.
Më 27 shkurt, ministri i Mbrojtjes, Sergey Shoigu, njoftoi për alarmin e forcave të parandalimit bërthamor dhe më pas e hoqi masën.
Megjithatë, u vunë re stërvitje me nëndetëse bërthamore.
Në mes të gushtit, Shoigu, tha se vendi i tij “nuk ka nevojë” të përdorë arsenalin bërthamor në Ukrainë, duke shpjeguar se ai përdoret për të garantuar sigurinë kombëtare në rast të një sulmi ndaj atdheut.
Koncepti u përsërit tani, në përgjigje të deklaratave të Biden.
Referencat, të paqarta ruse të së kaluarës janë interpretuar si një mënyrë për të mbajtur tensionin e lartë, për të riafirmuar fuqinë e tyre luftarake dhe për të kundërshtuar mbështetjen e aleatëve për Zelensky-n duke frikësuar opinionin publik.
Këtu përfshihen edhe njoftimet e përsëritura për super-armët në zhvillim nga Moska, një prirje që filloi në 2018.
Të dyshuarit amerikanë kanë shërbyer për të denoncuar, me vrull më të madh, agresioni i vazhdueshëm kundër ukrainasve.
Fjalët e presidentit amerikan – sado që të përmbahen në një intervistë kushtuar çështjeve të përgjithshme – janë pjesë e një dueli të ashpër propagandistik dhe paraqesin një paralajmërim.
Kriza ka treguar, që nga dita e parë, tre aspekte: Putin ishte i bindur se do ta zhdukte Ukrainën brenda disa javësh, nënvlerësoi aftësitë e mbrojtësve dhe reagimin e NATO-s, ai nuk u ndal edhe kur Shtetet e Bashkuara e ekspozuan planin e tij shumë përpara, madje dërguan drejtorin e CIA-s në Moskë për ta riafirmuar atë.
Në Washington, pavarësisht inteligjencës, nuk i fshehin vështirësitë për të kuptuar lëvizjet e liderit, kanë frikë nga surprizat dhe kjo i shtyn të marrin në konsideratë çdo hipotezë.
Corriere della Sera
