Kryeministri Albin Kurti dhe u.d. i presidentit të vendit, Glauk Konjufca, kanë vizituar varrezat e familjes Jashari në Prekaz ku dërguan kurora lulesh.
Para mediave, Kurti ka deklaruar se falë familjes Jashari, populli shqiptar është gjallë dhe gëzon lirinë e vendit. Ai ka thënë se në Prekaz erdhi menjëherë pas mbledhjes së parë ceremoniale dhe se kjo familje duhet kujtuar përherë.
Ndërkohë, u.d. i presidentit ka deklaruar se kujtimi ndaj familjes Jashari do jetë i përhershëm dhe kjo familje e lëvizi botën, për t’u rreshtuar krah interesit shqiptar.
“Të marrim forcë sesi të vazhdojmë dhe ecim përpara meqë ky është vendi ku më 1998, populli u ringjall”, ka deklaruar Konjufca.
Kurtin dhe Konjufcën i shoqëroi kryetari i Skenderajt, njëherit anëtar i familjes Jashari, Bekim Jashari.
Vendosa kurora me lule tek varri, gjithsej 59 të rënët në 5-6-7 mars 1998.
