Kryeministri i Kosovës, Albin Kurti, ka thënë se ka zhvilluar një bisedë telefonike me ministrin e Jashtëm të Italisë, Antonio Tajanin, me të cilin ka biseduar për trupat e lënduar të KFOR-it italianë në veri.
“Në një telefonatë të dytë sot me ministrin e Jashtëm italian Antonio Tajani, përcolla mirënjohjen e thellë të qeverisë dhe popullit të Republikës së Kosovës për trupat italianë të KFOR-it të cilët vepruan guximshëm për të ruajtur paqen përballë ekstremizimit të dhunshëm”, shkroi Kurti.
Ai u ka uruar shërim të plotë dhe të shpejtë të lënduarve.
Tajani më herët njoftoi se 11 trupa italianë të KFOR-it janë plagosur nga përleshjet në Zveçan. /Klankosova.tv.
