Kryeministri i vendit, Albin Kurti pas takimit që zhvilloi sot me përfaqësuesin e BE-së për dialogun Kosovë-Serbi, Miroslav Lajçak, ka vizituar një bujk në Miresh të Gjilanit, për të mbjellat vjeshtore.
Ai përmes një statusi në rrjetin social në Facebook ka treguar për një ngjarje e cila i ka ndodhur sot gjatë kësaj vizite me një gazetare.
Kurti tha se një gazetare duke e ndjekur nga pas nëpër ara e kishte pyetur për takimin që ai zhvilloi sot me përfaqësuesin e BE-së për dialogun Kosovë-Serbi, Miroslav Lajçak, por Kurti si me ironi e kishte pyetur traktoristin për Lajçakun, e sipas Kurtit ky i fundit i kishte dhënë gaz traktorit.
“Teksa bisedonim me bujqit, gazetarja që na ndiqte nëpër ara po më pyeste me insistim për Lajçakun. Unë e pyeta traktoristin për Lajçakun, por ai tundi kokën e i dha gaz traktorit”, ka shkruar Kurti në Facebook.
