Sot gjatë ditës disa punëtorë kanë larguar rrethojat e hekurta të vendosura te ndërtesa e Qeverisë së Republikës së Kosovës.
Këto rrethoja po largohen vetëm pak ditë pasi pritet të bëhet ndërrimi i qeverisë, ku në krye të ekzekutivit pritet të vijë Lidhja Demokratike e Kosovës dhe në ditën kur kjo parti është duke vendosur për mandatarin.
Merret vesh se vetë qeveria ka dhënë urdhër që të bëhet heqja e rrethojave.
Gazeta Express ka provuar të kontaktojë me zëdhënësin e Qeverisë, Përparim Kryeziu, mirëpo ai nuk është përgjigjur në telefon.
