Kreu i Qeverisë, Albin Kurti, ka nënshkruar dokumentin për shqyrtimin dhe miratimin në mbledhjen e ardhshme të Qeverisë për lirimin nga tarifa 100% për lëndën e parë që hyn në Kosovë nga Serbia dhe Bosnja e Hercegovina. Nga data 1 prill, ndërkaq, do të hyjë në fuqi reciprociteti i plotë me dy shtetet.
Sipas këtij propozim vendimi që mban datën 20 mars 2020 (sot) ai pritet të hyjë në fuqi më 1 prill 2020, me ç’rast detyrohen Ministria e Financave e Kosovës dhe Doganat ta zbatojnë vendimin.
Më poshtë mund t’i gjeni dokumentet e kryeministrit Kurti dhe të Ministrisë së Tregtisë dhe Industrisë për një vendim të tillë.
