Kryeministri i Kosovës Albin Kurti është takuar në Washington DC me ish-ambasadorin e OSBE-së në Kosovë William Walker. Në një postim në Facebook, kreu i qeverisë së Kosovës thotë se diplomatët e së vërtetës për krimet e kryera gjatë luftës janë miq të popujve dhe armiq të diktatorëve.
“Duket gati njësoj si para 25 vjetëve kur u takuam për herë të parë në Prishtinë. Thua se është ndalur koha e tij për këtë dëshmitar të kohës sonë. Ishte kënaqësi ta takoj ambasadorin William Walker në Washington DC, të evokojmë kujtimet, të diskutojmë për të tashmen, të ndajmë shpresat dhe shqetësimet për të ardhmen. Diplomatët e së vërtetës për krimet e kryera gjatë luftës janë miq të popujve dhe armiq të diktatorëve”.
Waker i cili shërbeu si ambasador përpara dhe gjatë kohës së luftës në Kosovë ishte njeriu i parë që e cilësoi masakrën e Reçakut si krim kundër njerëzimit. Kreu i atëhershëm i misionit vëzhgues të Organizatës për Siguri dhe Bashkëpunim në Evropë, i kishte dokumentuar krimet e kryera në këtë fshat dhe alarmoi botën për krimin që po ndodhte mbi popullatën e pafajshme civile në Kosovë.
Gjatë zgjedhjeve të vitit 2010 në Kosovë, Walker mbështeti dhe bëri fushatë për Albin Kurtin
Më 24 nëntor 2008, ai u bë qytetar nderi i Republikës së Shqipërisë, titullin e dhënë nga Presidenti Bamir Topi nga Presidenti dhe Kryeministri i Republikës së Kosovës. Në janar 2017, në fshatin Raçak u ngrit shtatorja e Walkerit.
