Ka kaluar gati një shekull, por pak ose fare ka fotografi që janë ikonike sa fotografia e njohur si “Drekë në majë të rrokaqiellit”.
Është fjala për pamjen e ngrirë të 11 punëtorëve që punonin në një ndërtesë në qendrën Rockfeller në Nju-Jorkut e që shiheshin duke ngrënë bukë derisa ishin ulur në një mbajtëse të hekurt, në katin e 69 të ndërtesës që ishte në ndërtim e sipër, përderisa poshtë mund të shihej Nju-Jorku.
Por, pak kush e din se kush është autori i regjistrimit të kësaj pamjeje.
Ky eshte rrëfimi interesant për entuziastin e fotografisë, Charles C. Ebbets, njeriun që pas 7 dekadash arriti t’i kthej meritat e autorësisë mbi këtë super-vepër.
Fotografia e bërë në vitin 1932, zyrtarisht nuk njihte fotograf deri në vitin 2003. Për më shumë se 70 vjet, imazhi i famshëm, së bashku me shumë nga fotografitë e tjera të të tij, ishin keqkredituar nga arkivat e Bettman si “fotograf i panjohur”.
Pra, pse iu desh kaq shumë kohë që ai të vlerësohej për të? Është pohuar se fotografë të shumtë kanë bashkëpunuar në këtë proces, gjë që ka të ngjarë të jetë e vërtetë pasi ka disa fotografi të vetë Charles të marra atë ditë nga fotografë të tjerë.
Fotografia fillimisht u shfaq në New York Herald Tribune menjëherë pasi u shkrep, por nuk arriti statusin e saj ikonik deri shumë më vonë. Në atë kohë, fotografët nuk konsideroheshin artistë, ata ishin thjesht operatorët pas kamerës. Ata paguheshin nga punëdhënësi i tyre për punën dhe më shpesh imazhet e tyre fshiheshin, të pakredituara në arkivat e lajmeve.
Për të vërtetuar përfundimisht se prapa kësaj fotografie ishte artisti Charles, familja Ebbets gjeti pagesa origjinale të faturuara për punën e tij të bërë në Qendrën Rockefeller dhe kopje të artikullit të gazetës të gjetura në librin e tij personal. Tani ato ruhen në në Pensilvaninë perëndimore, nën masa të rrepta konverzimi.
Përveç kësaj fotografie, Charles dhe ekipi i tij kishin shkrepur edhe fotografti tjera të punëtorëve, përgjatë punimeve.
Charles ishte gjithmonë një fotograf. Ai bleu aparatin e tij të parë kur ishte vetëm 8 vjeç dhe e faturoi atë në llogarinë e nënës së tij.
Në moshën 27-vjeçare, ai u emërua drejtor fotografik për zhvillimin e Qendrës Rockefeller, çka i mundësoi atij të linte gjurmë të përjetshme në historinë e kamerës.
Më poshtë mund të shihni edhe fotografi të tjera Ebbets, por edhe portrete të tij të shkrepura nga kolegët.
