Vladimir Putin thotë se ‘operacioni ushtarak’ i Rusisë do të ndalet vetëm nëse Ukraina ndalon së luftuari dhe nëse kërkesat e Rusisë përmbushen.
“Putin shpreson se negociatorët ukrainas do të marrin një qasje më konstruktive dhe do të marrin parasysh realitetin“, tha një zëdhënës i Kremlinit. Zëdhënësi i Kremlinit shtoi se Putin tha se çdo përpjekje për të tërhequr procesin e negociatave do të dështojë.
Sipas asaj që shkruan Sky News, Putin tha po ashtu se operacioni ushtarak i Rusisë në Ukrainë po shkon sipas planit dhe ritmit të planifikuar.
Sipas kushteve të Rusisë, kjo do të thotë dorëzim i Ukrainës dhe heqja dorë nga ambicia e saj për t’iu bashkuar NATO-s.
