Kryebashkiakja në detyrë e Shkodrës e cilëson të paqartë vendimin e Gjykatës Kushtetuese që rrëzoi kërkesën e saj për anulimin e zgjedheve të 30 qershorit 2019. Për Ora Neës, Voltana Ademi tha se e është e gatshme të kërkojë një mandat të ri në krye të Shkodrës, por pranoi se rikandidimi nuk është vetëm në dorën e saj.
Kryetarja në detyrë e bashkisë Shkodër, Voltana Ademi, e cilëson të paqartë vendimin e Gjykatës Kushtetuese për zgjedhjet vendore të 30 qershorit 2019.
Ajo thotë se do të presë zbardhjen e vendimit për të kuptuar çfarë do të ndodhë në të ardhmen.
Ademi: Vendimi është akoma i paqartë. Kemi lexuar rrëzimin e kërkesë padisë. Presim arsyetimin e plotë. Është një vendim me interes shumë të lartë. Nëse është për procedurë mendoj që për të gjithë ne është e rëndë se nuk u kemi dhënë përgjigje atyre pyetjeve që janë thelbësore dhe të paprecedent. Një gjë është e qartë, se në vedijen tonë të gjithë e dimë që ato nuk ishin zgjedhje. Kushtetuesja kishte mundësinë të tregonte pse-në e kësaj ndjesie që e kemi të gjithë.
Për Ademin kjo nuk është një betejë e humbur.
Ademi: Shprehja përmes luftës së forcës, kush është më i fortë nuk ndihmon demokracinë në vend prandaj i jemi drejtuar Kushtetueses. Në varësi të arsyetimit do mund tëvlersojmë ndryshe çfarëdo deklarate politike. Duhet të presim arsyetimin dhe në varësi do të vlerësojmë për të ndjekur shkallë të tjera të gjykimit.
Ademi edhe pse nuk është e prerë në këtë qëndrim, lë të hapur mundësinë e një rikandidimi për kryetare bashkie.
Por është e bindur se nuk do të jetë në dorën e saj për shkak të konfliktit në PD.
Ademi: Kushtetuesja nuk ka ndihmuar për qartësinë për kryetarët apo drejtuesit e bashkive aktualë. Duke mos ndihmuar situata e gjithë bashkive që nuk kanë kryetarë për këtë mandat e bën të paqartë vijueshmërinë që do kenë institucionet mnë aspektin procedurial dhe juridik që do të duhet për tu siguruar që do të ketë kryetarë të zgjedhur. Situata është e pazakontë. Nëse do kemi zgjedhje nesër, aktivizimi im nuk do të mungojë por do vlerësohet në momentin e duhur.
Partia Demokratike, pjesë e të cilës ajo është, ndodhet në krizë dhe përplasjet mes ish-kryeministrit Berisha dhe Lulzim Bashës, sipas saj nuk duhet të ndikojnë në një betejë politike, qoftë edhe ajo e zgjedhjeve të pjesshme.
Në cilësinë e kryetares së Shoqatës së Bashkive, ajo paditi 2 vite e gjysmë më parë në Kushtetuese mazhorancën për procesin e 30 qershorit.
