Përplasja mes Lulzim Bashës dhe Sali Berishës, nesër do të njohë kulmin. Lulzim Basha, ka thirrur mbledhjen e kuvendit të demokratëve, si mundësi për të treguar se e ka ai shumicën e kësaj force politike, ndërsa ish-kryetari i tij do të kërkoje që të ratifikoje në degë vendimin për shkarkimin e kreut të PD-së.
Përplasja vazhdon, Basha dhe Berisha tregojnë forcën të shtunën.
Përplasja dhe ndarja, brenda partisë demokratike, të shtunën do të kaloje në një fazë tjetër. Lulzim Basha, mbledh kuvendin kombëtarë, ku do të diskutohet sipas tij e ardhmja e Partisë Demokratike dhe e Shqipërisë, ndërsa Sali Berisha, do të kërkojë në degë ratifikimin e vendimit të 11 dhejtorit për shkarkimin e Lulzim Bashës si kryetarë. Të dy palët janë në terren për përmbushjen e qëllimeve të tyre.
Lulzim Basha, në orët e para të ditës së premte, shpërndau një video ku fton delegatët dhe demokratët që të bashkohen nesër në pallatin e kongreseve.
Organizmi është ende në proces, por krahas një fjalimi politik të Lulzim Bashës, pritet që të ketë edhe folës të tjerë e mes tyre edhe ata që nuk i kanë kursyer kritikat ndër vite për Lulzim Bashën. Po ashtu në kuvend pritet që të ketë edhe vendime të rëndësishme, e nuk përjashtohet të vendoset edhe fati i Sali Berishës, për të ardhmen e tij brenda ose jashtë Partisë Demokratike. Jashtë vëmendjes nuk do të jetë as statuti, ku ai do të pësoje disa ndryshime, ky ndër kryesorët është edhe futja e elementëve të dekomunistizmit, por dhe element që i ulin peshën e vendimmarrjes kryetarit.
Por nga krahu tjetër lëvizja e foltores, e cila në 11 dhjetor u pagëzua si lëvizja për rithemelimin e PD-së, nuk e njeh ketë proces e për më tepër se e gjithë kupola e Partisë Demokratike është shkarkuar apo pezulluar. Fokusi për të shtunën është organizmi i referendumit, për t’i hapur më pas rrugën ristrukturimit në bazë të kësaj force politike që do të kulmoje pastaj me zgjedhjen e kryetarit të ri dhe kupolës së re në 22 mars të vitit 2022.
Të dy pakët janë të pa lëvizur në llogoret e tyre, përball faktit se tashmë PD është e përçarë./Ora News/
