“La Gazzetta del Mezzogiorno”, i ka dedikuar një artikull Shqipërisë dhe turizmit. Gazetarja Marisa Ingrosso, shkruan se Shqipëria është në rrugën e duhur për të rrëmbyer edhe titullin e Mbretëreshës së Turizmit 2024.
Një prej faktorëve të suksesit i faturohet planifikimit. Në artikull thuhet se “qeveria e drejtuar nga Edi Rama, për shembull, sapo ka nënshkruar një marrëveshje me ITB Berlin, panairin më të madh botëror të turizmit: Shqipëria do të jetë zyrtarisht vendi i nderit për vitin 2025. Dhe programi i promovimit fillon në mars 2024 dhe përfundon në mars 2025. Shqipëria do të jetë gjithashtu organizatore e takimit të 70-të të Komisionit për Evropën të Organizatës Botërore të Turizmit, i cili do të zhvillohet në pranverë në Tiranë me pjesëmarrjen e 40 ministrave evropianë të turizmit”.
Më tej artikulli pasqyron dhe deklarata të presidentit të Unionit Shqiptar të Turizmit, Rrahman Kasa, dhe Lorenzo Lonoce, i cili ka krijuar operatorin turistik më të madh shqiptar të specializuar për turistët italianë.
Dhe duke qenë se suksesi i vendit i detyrohet edhe kostove të ulëta, fakti që numri i shtretërve rritet ndoshta mund të ngadalësojë rritjen e vazhdueshme të çmimeve.
Sipas Kasës, “Çmimet e vendosura këtë vit në kontratat e garancisë për sezonin e ardhshëm kanë shënuar një rritje drastike që varion nga 15 në 25%” dhe kjo do të jetë si pasojë e mbiçmimit të lekut ndaj euros dhe rritjes së kostove. Operatorët raportojnë një 35% rritje të kontratave të garantuara për turizmin e organizuar për vitin e ardhshëm”.
Sipas ekspertit, në 8 muajt e parë të këtij viti italianët ishin grupi i dytë më i madh i turistëve, menjëherë pas shqiptarëve nga Kosova. Sipas Ministrisë së Turizmit të Tiranës bëhet fjalë për 660 mijë italianë nga gjithsej 9 milionë të huaj.
Ndërsa puliani Lonoce konfirmon se, “Në Sarandë (qyteti më jugor i Shqipërisë dhe një destinacion i preferuar për bashkatdhetarët tanë; red. ) disa struktura ata janë shitur tashmë , plotësisht të rezervuara, në gusht. Ne po punojmë për Vlorën, por jam i sigurt se në 2-3 muaj do të kemi një pjesë të mirë të vendeve të lira të zëna edhe atje. Dhe do të them më shumë: në Tiranë janë rreth dhjetë agjenci që organizojnë natën e ndërrimit të viteve. Në praktikë, trendi i kësaj vere nuk ka të ndalur. Edhe tetori shkoi mirë sepse për disa tashmë po lind destinacioni. Shumë që panë se çfarë ndodhi këtë verë, po propozojnë Shqipërinë dhe jo vetëm për detin por edhe për kulturën”.
Sipas “La Gazzetta del Mezzogiorno”, ka shumë faktorë që përcaktojnë suksesin e një destinacioni, e një prej tyre është aksesueshmëria e lehtë.
