Dy figurat më të larta të Bankës Qendrore Europiane, presidentja, Christine Lagarde dhe zëvendësi i saj, Luis de Guindos, diskutuan me të rinjtë në internet lidhur me një situatë të keqe për ekonominë.
“Ekonomia e eurozonës pritet të tkurret nga 8 deri në 12% këtë vit”, deklaroi Lagarde.
De Guindos mbështeti komentin e Lagarde.
Ajo tha se në fillim të qershorit do të jepet një vlerësim më i besueshëm, kur banka qendrore me qendër në Frankfurt të publikojë parashikimet e përditësuara për rritjen ekonomike dhe të inflacionit në takimin e politikës monetare.
Lagarde u përpoq të siguronte pjesëmarrësit se kriza e borxheve të eurozonës nuk do të përsëritej.
Ajo tregoi se kostot e interesit janë jashtëzakonisht të ulëta.
