Zbardhen detaje të reja nga arrestimi i ish-ministrit të Mjedisit dhe ish-deputetit në qarkun e Durrësit Lefter Koka.
Ora News mëson se ka edhe arrestime të tjera përveç Kokës.
“Janë pesë përsona për të cilët është kërkuar arrest me burg nga gjykata” raporton gazetarja e Ora News Keti Banushi.
Arrestimi i Kokës lidhet me çështjen e inceneratorëve të denoncuara në SPAK nga opozita, PD dhe LSI.
“Janë dy dosje të ndara. Inceneratori i Fierit dhe Tiranës është duke u hetuar nga prokurori Dritan Premçi” raporton Banushi.
Masat e sigurisë ditën e djeshme janë firmosur nga gjyqtari Erion Bani.
Ndaj Lefter Kokës janë ngritur tre akuza, shpërdorim detyre, korrupsion dhe pastrim parash.
Vijon puna për ekzekutimin e masave të tjera të sigurisë, ndërsa Lefter Koka do të sillet në Drejtorinë e Policisë së Tiranës.
