Legjenda e futbollit anglez, Gary Lineker, zbuloi së fundmi se është në dijeni se disa futbollistë janë homoseksualë në Premier League.
Duke folur për mediet britanike, Lineker theksoi se sipas tij do ishte mirë që disa nga këta lojtarë të luanin në Botërorin Katar 2022.
“Do të ishte mirë nëse një ose dy prej tyre ta tregojnë që janë gay gjatë Kupës së Botës. Unë e di me të vërtetë se disa kanë qenë shumë afër ta bëjnë këtë dhe e kanë menduar. Janë disa që unë i njoh.”-deklaroi ish-sulmuesi i Anglisë pak më shumë se një muaj para Kupës së Botës në Katar.
Në Katar, homoseksualiteti është një krim i dënueshëm me shtatë vjet burg dhe Lineker beson se futbollistët homoseksualë mund të dërgojnë një mesazh të fortë për botën, pasi Katari është vendi i parë mysliman në botën arabe që pret Kupën e Botës.
