Southamptoni triumfoi ndaj Coventry në 1/16 e finales me rezultat 2:1, por në fund të ndeshjes mori një lajm të keq.
Siç raportojnë mediat angleze, sulmuesi shqiptar, Armando Broja u rrëzua në tokë pas vërshëllimës së fundit të gjyqtarit.
Atij iu nevojit ndihma nga stafi mjekësor për t’u ngritur në këmbë dhe për t’u larguar nga fusha.
Broja u inkuadrua në lojë në minutën e 64-të, kur rezultati ishte 1:1, ndërsa pati impakt pasi asistoi në golin e fitores të shënuar nga Walker-Peters në minutën e 112-të.
