Presidentja e Komisionit Europian, Ursula von der Leyen dhe kryeministri finlandez, Antti Rinne shpresojnë tek unanimiteti për hapjen e negociatave me Ballkanin Perëndimor.
Në një konferencë të përbashkët shtypi në Helsinki presidentja e Komisionit Europian, Ursula von der Leyen dhe kryeministri finlandez, Antti Rinne nënvizuan rëndësinë e zgjerimit të BE drejt Ballkanit Perëndimor, edhe përkundrejt pengesave të fundit.
Rinne tha se shpreson që “unanimiteti të arrihet në pranverën e ardhshme” në mënyrë që të fillojnë bisedimet me Shqipërinë dhe Maqedoninë e Veriut.
Von der Leyen mbështeti kërkesën e unanimitetit të BE për pranimin e anëtarëve të rinj.
Rinne dhe Von der Leyen thanë se vendimet e shumicës duhet të bëhen të mundshme për disa çështje të tilla si politika e jashtme./ATSH/
