Ministri i Brendshëm, Sandër Lleshaj zhvilloi sot një takim në Lezhë me drejtorët rajonalë të qarkut, ku në fokus ishin problematikat kryesore në punën e tyre dhe çështjet që kanë nevojë të ndërhyhet.
“Në Lezhë, zhvilluam një takim me drejtorët rajonalë të qarkut, të cilët raportuan mbi problematikat kryesore në punën e tyre dhe ngritën çështje që kanë nevojë për ndërhyrje”, shprehet Lleshaj.
Gjithashtu Lleshaj gjatë këtij takimi theksoi dhe një herë gatishmërinë e plotë për zgjidhjen e problematikave të qytetarëve.
“Qasje gjithëpërfshirëse për të zgjidhur problematikat kryesore që shqetësojnë qytetarët. Nevojë për koordinim më të mirë të punëve e detyrave dhe bashkëpunim funksional me njësitë vendore”, tha Lleshaj.
Ministri Lleshaj tha se pritshmëria e hapjes së negociatave me Bashkimin Europian shton detyrat dhe angazhimin për përmbushjen e problematikave kryesore.
“Pritshmëria për hapjen e negociatave me Bashkimin Europian brenda tetorit, shton detyrat dhe angazhimin, kryesisht për administratën, në përmbushjen e problematikave kryesore në punën e tyre”, përfundoi Lleshaj. /ASTH/
