Ftesën që i bëri Elon Musk për të vizituar Çeçeninë pasi e quajti “njeriun më inteligjent të epokës moderne”, shumëkush e mori si batutë, por udhëheqësi i rajonit musliman rus, Ramzan Kadyrobvhe e ka shprehur edhe njëherë vlerësimin e tij për CEO-n e Tesla dhe platformës ‘X’.
Kadyrov postoi sot një video të tij duke ngarë një Tesla Cybertruck me atë që duket të jetë një mitraloz i montuar në krye të makinës së ideuar nga Elon Musk.
Videoja është bërë virale në rrjet, ndërsa lideri çeçen dëgjohet duke thënë se do ta dërgojë mjetin në frontin e luftës në Ukrainë.
Kadyrov gjithashtu lavdëron automjetin dhe pronarin e Tesla Motors, Elon Musk.
“Ne presim me padurim produktet tuaja të ardhshme që do të na ndihmojnë të përfundojmë operacionin special ushtarak”, shkroi ai, duke përdorur terminologjinë zyrtare të përdorur nga Rusia për të përshkruar luftën në Ukrainë.
