Ish-ministri i Brendshëm dhe kreu i partisë së ekstremit të djathtë Lega Nord në Itali, Matteo Salvini ka publikuar sot një foto nga shtëpia e tij.
“Mirëmëngjesi miq. Sot do të jem në Lampeduza. Italia dashuron dhe mbrohet, kufijtë mbrohen”, shkruan Salivini.
Por më shumë se sa shkrimi vëmendjen e ka tërhequr në veçanti një detaj në foton e tij.
Prapa politikanit, mbi raft ndodhet një qeleshe tradicionale shqiptare, me shqiponjë dhe shkrimin “Albania”. Pas saj qëndron një foto e tij me vajzën e tij Mirta.
Ndjekësit e tij shqiptarë kanë vërshuar në komente, për t’i dërguar përshëndetjet e tyre politikanit italian.
