Gjatë vizitës në Kroaci, Presidenti Meta është takuar me kryeministrin Andrej Plenkoviç.
Meta shkruan se bashkëpunimi ekonomiko-tregtar, do të marrë një shtysë të re me vendosjen e linjës direkte ajrore Tiranë-Zagreb
“Takim mjaft i frytshëm dhe konstruktiv me Kryeministrin e Kroacisë, z. Andrej Plenković, mbi marrëdhëniet e shkëlqyera tradicionale dhe politike mes dy vendeve tona.
Ndamë të njëjtin qëndrim se integrimi europian🇪🇺 i Shqipërisë🇦🇱 dhe rajonit, janë e vetmja alternativë e të ardhmes sonë të përbashkët.
Marrja e Presidencës së BE për herë të parë nga Kroacia dhe qëndrimi i saj pro zgjerimit, mundësi e shtuar për Shqipërinë për çeljen e negociatave të anëtarësimit me Bashkimin Europian gjatë Samitit të Zagrebit në maj 2020.
Bashkëpunimi ekonomiko-tregtar, do të marrë një shtysë të re me vendosjen e linjës direkte ajrore Tiranë-Zagreb dhe ndërtimin e gazsjellësit Adriatiko-Jonian IAP”, thekson Meta.