Australia është një vend i njohur për mrekullitë e saj natyrore ndër to bëjnë pjese edhe liqenet rozë. Një liqen rozë është një gjetje e rrallë kudo në botë, dhe liqeni i Australisë është një nga më të bukurit.
Ky fenomen natyror shkaktohet nga një kombinim i kushteve perfektë si temperatura të larta, reshje të ulëta shiu, kripë, alga dhe baktere specifike që prodhojnë beta-karoten.
Ngjyrat mahnitëse mund të vijnë dhe të shkojnë në varësi të kohës së vitit, ose të zhduken përgjithmonë nëse faktorët mjedisorë ndryshojnë.
Pse janë rozë? – Liqenet rozë ishin një mister për shumë vite, por shkencëtarët tani e kuptojnë se si krijohen ngjyrat e pabesueshme. Liqenet rozë përmbajnë algat e njohura si Dunaliella salina dhe baktere të quajtur Halobacteria që lëshojnë pigmente të kuq në ujë në sasi të tilla që ngjyra ndryshon plotësisht.
Koha e vitit – Liqeni Hillier, shihet më mirë në fund të verës kur ndryshon ngjyra. Ky liqen mund të variojë nga një rozë e zbehtë deri në rozë të thellë. Liqeni Hillier ndodhet pak larg bregut të Australisë Perëndimore. Kripa që gjendet në të merret nga liqeni çdo vit, duke krijuar të ardhura për vendasit.
Laguna Hutt –Ujërat e lagunës së famshme Hutt variojnë nga jargavani në të kuqe të thellë në varësi të stinës dhe kohës gjatë ditës.
Liqeni MacDonnell – Liqeni MacDonnell po bëhet një nga destinacionet kryesore turistike në Australinë e Jugut. Ai u bë viral në vitin 2018 kur disa blogerë udhëtimesh ngarkuan këto foto të pabesueshme me dron në Instagram.
