Liverpooli kishte kalkuluar të gjitha variantet se si të shpallej kampion në Ligën Premier, mirëpo nuk ishte e shkruar të bëhej.
Ishte kaq afër, por edhe aq larg për skuadrën e Jurgen Kloppin të dielën, teksa Manchester City gozhdoi shpresën e fundit para syve të tyre.
Kishte shpresë në Anfield kur mësuan se Citizens ishin duke humbur 2-0, mirëpo në minutat e fundit e mësuan se rivali i tyre kishte përmbysur rezultatin në 3-2.
Është një tjetër histori e asaj që mund të kishte qenë për Liverpoolin, të cilët, si në 2019, humbën titullin me një pikë dhe do të shikojnë prapa në ndeshjen e fundit me Tottenhamin, pasi ata nuk arritën të mposhtin asnjë ekip në top katër këtë sezon.
Por, në një kalkulim më ndryshe, nëse tabela e ligës do të përpunohej bazuar në rezultatin e përgjithshëm kundër secilit kundërshtar, që do të thotë vetëm tre pikë në dispozicion kundër tyre në vend të gjashtë, atëherë Reds do të ishin kampionë.
Kjo është sipas Odds-Comparison.com , e cila bëri të gjitha kërkimet për të gjetur se kush do të dilte në krye në një tabelë të tillë.
1# Liverpool – 49 pikë
2# Manchester City – 47
3# Tottenham Hotspur – 42
4# Arsenal – 38
5# Chelsea – 36
6# Leicester City – 31
7# Aston Villa – 30
8# Brentford – 30
9# Manchester United – 27
10# Newcastle United – 27
11# Crystal Palace – 26
12# Brighton – 26
13# West Ham – 25
14# Everton – 22
15# Leeds – 20
16# Wolvers– 19
17# Burnley – 16
18# Southampton – 15
19# Watford – 11
20# Norwich City – 11
Liverpool në fakt ishte i pamposhtur gjatë gjithë sezonit kur bëhet fjalë për rezultatet e përgjithshme, duke u hakmarrë për çdo humbje.
City nga ana tjetër pati humbje të përgjithshme si ndaj Tottenhamit ashtu edhe ndaj Crystal Palaces.
Manchester United në anën tjetër ishte shumë me fat, pasi në këtë kalkulim – gjërat për ta mund të kishin qenë më keq.
Sigurisht, një tabelë e përgjithshme do t’i kishte parë ata të humbnin 9-0 ndaj Liverpoolit këtë sezon, dhe kjo është një fat i madh për ta
