Para tifozëve të vet, Manchester Unitedi është turpëruar nga Liverpooli. “Të kuqtë” triumfuan në derbin anglez me rezultat të thellë 5:0.
Goli i parë erdhi në minutën e 5-t përmes Naby Keitas, derisa rezultati u dyfishua pak minuta më vonë nga Diogo Jota.
Salah realizoi tri gola në këtë derbi (38, 45+ dhe 50). Vendasit ia dolën ta dërgonin topin në rrjetë në minutën e 52-të përmes Cristiano Ronaldos, mirëpo VAR-i ia anuloi golin nën arsyetimin se ishte pozitë jashtë loje.
Nga minuta e 60-të vendasit luajtën me një lojtar më pak pasi Paul Pogba u ndëshkua direkt me të kuq.
Me këtë rezultat, Liverpooli renditet në pozitën e dytë në Premier League me 21 pikë, derisa Unitedi është në pozitë të shtatë me 14 sosh.