Lojtarët në ligën rumune të futbollit mund të pezullohen deri në 12 ndeshje në rast se pështyjnë, kur stinori të rifillojë pas pezullimit shkaku i koronavirusit.
Kjo masë është në protokollin e ri shëndetësor të përgatitur nga Federata e Futbollit të Rumanisë (FRF) dhe nga liga profesioniste e Rumanisë.
FRF-ja shpreson që stinori në elitën e futbollit të Rumanisë të rifillojë më 13 qershor, por pritet aprovimi i Qeverisë për këtë. FRF-ja ka pezulluar gjithë futbollin në vend në mesin e marsit.
Lojtarët mund të përballen me gjashtë apo 12 ndeshje dhe me gjobë nëse pështyjnë në fushë, shkruhet në protokoll. Po ashtu ata duhet të kthehen në shtëpi duke mbajtur veshën uniformën që e kishin gjatë ndeshjes. Lojtarët duhet të qëndrojnë dy metra larg nga njëri-tjetrit gjatë nxemjeve, ndërsa ekipi startuese dhe zëvendësuesit nuk do të lejohen të qëndrojnë së bashku para ndeshjeve.
Liga e Rumanisë do të rifillojë pa shikues dhe nuk do të ketë më tepër se 150 persona në stadium gjatë ndeshjeve. UEFA i ka dhënë FRF-së kohë deri më 1 qershor për të dorëzuar planin se si planifikon të rifillojë.
