Mesfushori i Manchester United, Bruno Fernandes është përfshirë në një aksident me makinë gjatë ditës së hëne.
Askush i përfshirë në këtë aksident, nuk ka pësuar lëndime serioze, ka njoftuar agjencia britanike e lajmeve PA.
United priste që 27-vjeçari Fernandes të stërvitej më vonë përpara ndeshjes së skuadrës në Liverpool në Premier League të martën.
Por, duket se ai mund të mos jetë i disponueshëm për stërvitje për shkak të aksidentit me makinë.
Kujtojmë se Manchester United ka fituar ndeshjen e fundit përballë Norwich-it, ku Cristiano Ronaldo shënoi hattrick.
