Në parkun e lodrave Hyde në Londër për shkak të një defekti teknik, është këputur litari elastik që mbante një lloj topi brenda të cilit ishin disa persona.
Si pasojë e kësaj “topi’ është përplasur në shtyllë në një lartësi relativisht të madhe.
Megjithatë autoritetet e sigurisë menjëherë ndalën punën në këtë park, dhe aktivizuan ekipet e shpëtimit për t’i nxjerrë nga “topi” personat që gjendeshin brenda.
“Mbrëmë si pasojë e një defekti teknik në një lodër, është ndalur puna në tërë parkun. Të dy vizitorët që kishin ngecur në të janë shpëtuar. Janë kontrolluar nga mjekët të cilët konstatuan se nuk kanë pësuar lëndime”, tha zëdhënësi i parkut.
“Të gjitha lodrat tona i nënshtrohen kontrolleve rigoroze të sigurisë. Gjithashtu vazhdimisht organizojmë trajnime për personelin, për të qenë të sigurtë që vizitorët tonë do të kënaqen”, shtoi ai.
