Britania e Madhe do të mbajë taksën e saj digjitale, deklaroi sot ministri britanik i Financave, Sajid Javid, pavarësisht kërcënimeve amerikane për kundërpërgjigje.
“Ne parashikojmë të zbatojmë taksën tonë mbi shërbimet digjitale në muajin prill”, deklaroi ai gjatë një paneli në Forumin Ekonomik Botëror në stacionin zviceran.
“Kjo është një taksë proporcionale dhe që është perceptuar si e përkohshme. Ajo do të hiqet në momentin që do të ketë një zgjidhje ndërkombëtare”, theksoi ministri, i cili u shpreh përkrah sekretarit amerikan të Thesarit, Steven Mnuchin./ATSH/